ក្រោយលោក K01 បញ្ចេញវីដេអូ ម៉ូតូជិះបញ្ច្រាសបុកគាត់ លោក អ៊ឹម ជីវ៉ា តបថា៖ កុំបិុនសម្តែង​ជាងតារាសម្តែងពេក រត់ចូលម៉ូតូ​គេហើយ ស្រែកឲ្យ​គេ ថាគេបុក!!

លោក K01 ដែលជាអ្នកសារព័ត៌មាន កម្លាំងមនុស្សធម៌ ដែលលោកអ្នក ធ្លាប់ស្គាល់គាត់ ដោយតែងតែ ទៅសម្រួលចរាចរ លើផ្លូវ២០០៤ ចំពោះអ្នកដែលជិះបញ្ច្រាស ដោយឡែកកាលពីល្ងាចម្សិលមិញនេះ មានការភ្ញាក់ផ្អើលមួយ ដោយលោកបានទៅសម្រួលចរាចរណ៍លើ ស្ពាន ព្រះមុន្នីវង្ស ដោយលោកបានធ្វើការលើកឡើងថា មានអ្នកដែលជិះបញ្ច្រាសផ្លូវហើយមកបុកគាត់ទាំងកំរោលតែម្តង។
ក្រោយមកលោកក៍បានបង្ហាញវីដេអូដែល ថាគេបុកលោកនោះ នៅលើផេគជាសាធារណៈតែម្ដង ហើយមានបងប្អូនយើងជាច្រើនបានធ្វើការបញ្ចេញមតិ ផ្សេងៗគ្នា ជាមួយគ្នានោះ តារាសម្ដែង លោក អ៊ឹម ជីវ៉ា ក៍បានបញ្ចេញមតិដូចគ្នាផងដែរ ដោយលើកឡើងថា៖
 កុំបិុនសម្តែងជាងតារាសម្តែងពេក រត់ចូលម៉ូតូគេហើយ ស្រែកអោយគេថាគេបុក , កាលពីមុនទិញត្រីងាប់យកមកសម្តែងវាយប្រហារគេម្តងហើយ តែពេលនេះសម្តែងមិនសមទេ ។ លោកគ្មានសិទ្ធទៅហាមគេឡើយ លោកមិនមែនបូលិសមានសមត្ថកិចទេ សួថាអ្នកសារពត៌មានក្នុងស្រុកមានមនុស្សប៉ុន្មានអ្នកដែលក្អេងក្អាងអំនួតដូចលោក , ។

ទង្វើលោកដែលធ្វើល្អមួយចំនួនរបស់លោកគឺខ្ញុំបានឃើញថាលោកធ្វើល្អមែន ហើយខ្ញុំក៏ឧស្សាហ៍យក ទឹកក្រូច ទឹកសុទ្ធ និងថវិការទៅជូនក្រុមលោកជាញឹកញាប់ដែរ ព្រោះផ្ទះខ្ញុំនៅផ្លូវមៃដា២០០៤ តែចុងក្រោយនេះលោកធ្វើការងារដូចជាជ្រុលហួសពីដែនសមត្ថកិច្ចរបស់ខ្លួនដែលជាអ្នកសារពត៌មានហើយ ត្រូវចាំថាអ្នកណាសាងអាក្រក់និងទទួលផលកម្មអាក្រក់ក្នុងជាតិនេះ មិនចាំជាតិក្រោយឡើយ ។

លោកសួតែប្អូនរិទ្ធីនៅ TVFB ទៅដឹងហើយថា អឹុម ជីវា៉ ជាមនុស្សបែបណា ?? ខ្ញុំក៏ជាមនុស្សដែលចូលរួមចំនែកធ្វើការងារក្នុងសង្គមដែរ បើលោកមិនយល់ទាស់ខ្ញុំនិងអញ្ជើញលោកអោយមកចូលរួមចំនែកជាកម្មវិធីនានាមួយចំនួនរបស់ខណ្ឌដែលកំពុងធ្វើ ដើម្បីជួយកែលំអរនិងអភិវឌ្ឍសង្គមទាំងអស់គ្នា ។ ដោយក្តីគោរពៈ អឹុម ជីវ៉ា

សាររបស់លោក អ៊ឹមជីវ៉ា

សូមទស្សនាវីដេអូខាងក្រោមនេះ៖

ផ្ដល់សិទ្ធិដោយ៖ kqube